Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Татар дәүләтчелеге музее Р. Хәкимовның "Идел буенда ислам" видеолекциясен тәкъдим итә
Видеолекцияне "Татар-информ" сайтында карарга мөмкин. Галим Идел буе территориясендә ислам диненең таралышы этапларын һәм мәсьәләләрен барлый.
(Казан, 18 декабрь, "Татар-информ", Алсу Исмәгыйлева). Бүген Татарстан фәннәр академиясенең Шиһабетдин Мәрҗәни исемендәге Тарих институты директоры Рафаил Хәкимовның "Идел буенда ислам" видеолекциясе дөнья күрде. Бу хакта "Татар-информ" агентлыгына Тарих институтының матбугат секретаре Зилә Тямаева хәбәр итте.
Видеолекциясендә галим Идел буе территориясендә ислам диненең таралышы этапларын һәм мәсьәләләрен барлый. Аерым алганда, Үзбәк хан идарә иткәндә Алтын Урда җирлегендә Ислам динен кабул итү чоры карала, Ислам динен кабул итү чорында процессларга йогынты ясаган татар милли үзенчәлекләре барлана. Моннан тыш, Рафаил Хәкимов видеолекциясендә ислам һәм капитализм, хатын-кыз һәм дин, татар мәгърифәтчеләренең мөселман җәмгыятендәге роле турында сөйли. Видеолекциянең хронометражы 25 минут.
Видеолекция "Татар халкының милли тәңгәллеген саклау (2014-2016 еллар)" Татарстан Республикасы Дәүләт программасы кысаларында эшләнгән.
Исегезгә тешерәбез, видеолекцияне беренчеләрдән булып бүген Татар халкы һәм Татарстан республикасының дәүләтчелеге тарихы музеенда узучы "Акыл фабрикасы" лекториенә җыелучылар карады.
Кызыклы яңалыкларны күзәтеп бару өчен Телеграм-каналга язылыгыз