Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Татар блогерлары Татарстан буенча турга чыга
Блогерлар Ринат Галиәхмәтов белән Илназ Габидуллин Түбән Кама, Әлмәт, Чистай, Лаеш, Кукмара, Арча, Мамадыш һәм Чаллыда булачак.
(Казан, 11 август, "Татар-информ"). 12 августтан башлап татар блогерлары Ринат Галиәхмәтов белән Илназ Габидуллин республика буенча блог турга чыга. Бу хакта оештыручылар хәбәр итә.
Блогерлар социаль челтәрләр һәм татар телле контент белән популярлык казану ысуллары турында сөйләячәк. Инстаблогерлар белән очрашу темасының берсе заманча татарларга, аларның тормышына һәм традицияләренә, заманча мәдәнияткә һәм миллилеккә багышланган #БикЯхшы бәйгесе булачак.
Беренче лекторий 12 августта Түбән Каманың “Ковер” яшьләр үзәгендә узачак.
Очрашуларда Ринат Галиәхмәтов (Tatar__malay) белән Илназ Габидуллин (Кызык-мызык) социаль челтәрләдә үз аккаунтларын популярлаштыру тәҗрибәсе, тискәре сүзләргә каршы көрәш, комментарийларда “троллинг”лар һәм аудиторияне җәлеп итү ысуллары белән уртаклашачак.
14 августта блогерлар Әлмәттә, 15 августта Чистайда, 16 августта Лаешта, 17 августта Кукмарада, 18 августта Арчада, 19 августта Мамадышта, 20 августта Чаллыда булачак. Лекторийлар датасы һәм урыны турында төгәлрәк мәгълүматны блогерларның битләреннән белергә була.
#БикЯхшы фото һәм видеоэшләр бәйгесе 6 августтан 22 августка кадәр узачак. Анда теләге булган һәркем катнаша ала. Оештыручылар август ахырында нәтиҗә ясаячак һәм #Минтатар, #Матуртатар, #Туганяк номинацияләре буенча җиңүчеләрне билгеләячәк.
Бәйгенең төп бүләкләре – эксклюзив автор дизайны белән тегелгән тышлыклы айфоннар, диелгән әлеге хәбәрдә.
Кызыклы яңалыкларны күзәтеп бару өчен Телеграм-каналга язылыгыз