Татар дөньясы 23 июль 2019 16:15

Татар авылларын өйрәнүчеләрнең Бөтенроссия форумы Томск шәһәрендә үтәчәк

Кунаклар Томск шәһәрендәге татар бистәсе һәм өлкәдәге татар авылы белән танышачак.

Скопировать ссылку

(Казан, 23 июль, “Татар-информ”). 12-13 сентябрь көннәрендә Томск шәһәрендә туган якны өйрәнүче татарларның Россия күләмендә форумы узачак. Бу хакта социаль челтәрдәге "Төмән татарлары" төркеме хәбәр итә.

Форумның темасы - татар милләте күтәрелешендә һәм үсешендә төп фактор буларак шәһәрдәге Татар бистәсе. Туган якны өйрәнүчеләр аның үткәне, хәзергесе һәм үсеше хакында сөйләшәчәк.

Кунаклар Томск шәһәрендәге татар бистәсе һәм өлкәдәге татар авылы белән танышачак. Шулай ук татар үзешчән сәнгать төркемнәре концертын тамаша кылу, татар мәктәпләре коллективлары һәм татар җәмәгатьчелеге белән очрашу, җирле музейда булу планлаштырыла.

#томск #туган якны өйрәнүчеләр #форум

Сәхифәләр

Татар авылларын өйрәнүчеләрнең Бөтенроссия форумы Томск шәһәрендә үтәчәк