news_header_top
16+
news_header_bot
news_top

«Тасма» стадионындагы шугалак быел яңа урынга күчә

Казанның «Тасма» стадионындагы шугалакны Уктан ату үзәге төзелү сәбәпле, яңа урынга күчерәләр. Бу хакта ТР башкаласының Киров һәм Мәскәү районнары администрациясендә хәбәр итәләр.

«<...> быел «Тасма» стадионындагы шугалак теннис корты территориясендә урнашачак, чөнки элекке урында Уктан ату үзәге төзелеше бара», – дип аңлаттылар район администрациясендә.

Моннан тыш, быел кыш Химиклар мәдәният йорты янындагы «Наратлык» паркында шугалак булмаячак, дип хәбәр итәләр администрациядә.

«Тасма» спорт мәктәбенең бер өлеше булачак Уктан ату үзәге 2026 елның августына төзелергә тиеш. Үзәк төзелешенә сентябрь ахырында Россия Югары Суды Рәисе Игорь Краснов һәм Татарстан Рәисе Рөстәм Миңнеханов старт бирде.

news_right_1
news_right_2
news_bot