Ташкентта «Сөмбелә» – татар халкының традицион уңыш бәйрәме узачак
Скопировать ссылку
20 сентябрьдә 12:00 сәгатьтә Ташкент шәһәре Милләтара мөнәсәбәтләр комитеты павильоннарында «Сөмбелә» – татар халкының традицион уңыш бәйрәме узачак. Бу хакта Ташкент шәһәре Татар мәдәни-агарту үзәге хәбәр итте.
Бәйрәм программасында:
- чын самавырда кайнатылган үлән чәе эчү;
- бал белән пешерелгән традицион чәк-чәктән авыз итү;
- авызда эри торган тәмле кош-теле белән сыйлану;
- дәртле татар халык җырларын җырлау.
Бәйрәмдә теләге булган һәркем катнаша ала.
Гаиләләрегез, дусларыгыз һәм күршеләрегез белән килегез. Көзне бергәләп күңелле итеп каршы алыйк, диелә хәбәрдә.
