Ташкентта шагыйрь Һади Такташның 125 еллыгына багышланган түгәрәк өстәл узачак
Скопировать ссылку
24 гыйнварда 12:00 сәгатьтә Үзбәкстан Республикасының милли мөнәсәбәтләр һәм чит илләрдәге ватандашлар мәсьәләләре комитеты конференц-залында күренекле татар шагыйре Һади Такташның тууына 125 ел тулу уңаеннан түгәрәк өстәл узачак. Бу хакта Ташкент шәһәре татар иҗтимагый милли-агарту үзәге телеграм-каналында хәбәр иттеләр.
Чара программасы:
- мәдәният эшлеклеләре, галим-тарихчылар, шагыйрьләр, язучылар чыгышы; Һади Такташның әдәби мирасы, аның поэтикага, әдәби телгә һәм милли әдәбият үсешенә керткән өлеше, шулай ук аның иҗатының хәзерге мәдәни киңлектә актуальлеге турында фикер алышу;
- Рифат Гомәровның «Рифат-наме» китабын презентацияләү.