Ташкентның Мәңгелек ут урнашкан Волгоград мемориаль комплексына чәчәкләр салдылар
Кичә Ташкентта Мәңгелек ут урнашкан Волгоград мемориаль комплексы территориясендә Җиңү көненә багышлап, чәчәкләр салу тантанасы узды.
Чарада Бөек Ватан сугышы ветераннары, Россиянең Үзбәкстан Республикасындагы Гадәттән тыш һәм Тулы вәкаләтле илчесе Олег Мальгинов, Ташкент һәм Үзбәкстан митрополиты, Үзбәкстанда Россотрудничество вәкиллеге җитәкчесе Михаил Вождаев, шулай ук дустанә дәүләтләр илчеләре, дипломатик корпуслар хезмәткәрләре, Россия ватандашлары, башкала халкы, журналистлар катнашты, дип хәбәр итә Татарстанның Үзбәкстандагы вәкиллеге.
Чараның тантаналы өлеше Мәңгелек ут янына илчеләр делегациясе белән берлектә, хәрби оркестр яңгыравына чәчәкләр салудан башланган.
«Бәйрәм көнендә Бөек Ватан сугышы Геройларын искә алырга килгән һәркемдә әлеге чара зур кызыксыну уятты. Меңләгән кеше киемнәрен Георгий тасмасы белән бизәде, фронт җырлары башкарды, Бөек Ватан сугышында катнашкан туганнарының портретларын күтәреп барды, Мәңгелек ут комплексы, герой-шәһәрләр аллеясенә чәчәкләр салдылар», - диелә хәбәрдә.