Фән һәм мәгариф 16 апрель 2023 16:08

Тарих буенча БДИга Украинадагы махсус хәрби операция турында сораулар кертәчәкләр

Скопировать ссылку

Тарих буенча Бердәм дәүләт имтиханы (БДИ) биремнәренә Украинадагы махсус хәрби операция белән бәйле сораулар кертәчәкләр. Моны мәктәпләрдә тиешле дәреслекләр барлыкка килү белән үк эшләргә ниятлиләр. Бу хакта ТАСС агентлыгы Мәгариф һәм фән өлкәсендә күзәтчелек федераль хезмәтенә (Рособрнадзор) сылтама белән хәбәр итә.

Махсус операция турында сораулар мәгълүматны өйрәнү нәтиҗәләре буенча дәүләт йомгаклау аттестациясенең контроль-үлчәү материалларына кертеләчәк. «Ягъни әгәр материал өйрәнү өчен X сыйныф программасында урын алса, тарих буенча контроль-үлчәү материалларына урта мәктәптә укуны тәмамлауны исәпкә алып төзәтмәләр кертеләчәк», - диелә ведомство хәбәрендә.

Искәртеп узабыз, бу атнада Россия мәгариф министры Сергей Кравцов хәбәр иткәнчә, X-XI сыйныф укучылары өчен тарих буенча яңа дәреслеккә Украинадагы махсус операция турында (шул исәптән аның башлану сәбәпләре хакында) бүлек кертелгән. Аның сүзләренчә, мәктәпләр инде 1 сентябрьдән үк аның буенча эшли башлаячак.

Сәхифәләр

Тарих буенча БДИга Украинадагы махсус хәрби операция турында сораулар кертәчәкләр