Тарихи җыенга килгән татар блогерлары Тинчурин театрында тәҗрибә уртаклашачак
Җыенда Россиянең 35 төбәгеннән һәм Татарстаннан 350 вәкил катнашыр, дип көтелә.
- ВКонтакте
- Telegram
- РћРТвЂВВВВВВВВнокласснРСвЂВВВВВВВВРєРСвЂВВВВВВВВ
- РњРѕР№ Р В Р’В Р РЋРЎв„ўР В Р’В Р РЋРІР‚ВВВВВВВВРЎР‚
Скопировать ссылку
(Казан, 29 март, “Татар-информ”, Мөршидә Кыямова). 3 апрель көнне 18:30 сәгатьтә К.Тинчурин исемендәге театр буфетында татар блогерлары, туган як тарихын өйрәнүчеләр, социаль челтәр активистларының җыены узачак. Бу хакта “Татар-информ” мәгълүмат агентлыгы хәбәрчесенә Мари Эл Республикасының “Республика Татар мәдәнияте үзәге” методисты Рамай Юлдашев хәбәр итте.
Мәгълүм булганча, 3-5 апрель көннәрендә Казанда II Бөтенроссия татар авыллары һәм төбәкләрдәге татар тарихын өйрәнүчеләр җыены узачак.
Җыенда Россиянең 35 төбәгеннән, Татарстанның 43 районыннан һәм Казан шәһәреннән 350 вәкил катнашачак.
“Туган як тарихын өйрәнүчеләр социаль челтәрләрдә дә актив, - ди Рамай Юлдашев. - 3 апрельдә 18:30 сәгатьтә К.Тинчурин исемендәге театр буфетында җыелып күрешергә иде безгә. Татар блогерлары үзара сөйләшеп, тәҗрибә уртаклашып алыр идек. Бу кичне театрда Башкортстан Республикасы “Туган тел” татар җыры яшь башкаручылар бәйгесенең төрле елларда җиңүчеләре Гала-концерты булачак”.