news_header_top_970_100
16+
news_header_bot_970_100

Тарихчылар Казанга багышланган форум үткәрергә җыена

Төбәкчеләр «Татар Казаны: тарихы, бүгенгесе һәм үсеш перспективалары» чарасын республиканың төрле оешмалары белән берлектә әзерләргә уйлый.

Тарихчылар Казанга багышланган форум үткәрергә җыена
Владимир Васильев

(Казан, 5 апрель, «Татар-информ», Гадел Әхмәтҗанов). «Татар төбәкчеләре оешмасы» Казанда «Татар Казаны: тарихы, бүгенгесе һәм үсеш перспективалары» дигән форум уздырырга җыена.

«Бездә „Православие Казаны“ дигән чара бар. Ә нигә татар Казаны булмаска тиеш? „Татар Казаны: тарихы, бүгенгесе һәм үсеш перспективалары“ дигән бер чара үткәрү нияте бар. Бу әлегә планда гына, төгәл даталары билгеле түгел», — дип сөйләде «Татар төбәкчеләре оешмасы» рәисе Альберт Борһанов «Татар-информ»га биргән интервьюда.

Чараны әзерләүдә төрле ведомстволар ярдәм итәр дип көтелә.

«Казан — зур башкала, шуңа күрә әзерлек көчле булырга тиеш. Уйнап кына үткәреп булмый, уйлап эшләргә кирәк. Татарстан мөселманнары Диния нәзарәте, Мәгариф, Мәдәният министрлыклары, Россия Ислам институты, Фәннәр академиясе белән берләшеп оештырасы булыр», — диде тарихчы.

autoscroll_news_right_240_400_1
autoscroll_news_right_240_400_2
news_bot_970_100