Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Тара шәһәрендә сәнгатьле укучылар өчен Муса Җәлил исемендәге районара бәйге уза
Омск өлкәсе мөселманнары Диния нәзарәте (Омск мөхтәсибәте) рәисе, имам-мөхтәсиб Радик Әхмәтов мактаулы кунак сыйфатында сәнгатьле укучылар өчен оештырылган «Батырлык гасырларда кала» дип аталган Муса Җәлил исемендәге XII Районара бәйгедә катнашты. Бу хакта Россия мөселманнары Диния нәзарәтенең матбугат хезмәте хәбәр итә.
Чараны Тара шәһәренең Дуслык йорты һәм «Нур» Татар мәдәнияте үзәге оештыра. Конкурста Омск өлкәсе мәктәпләрендә укучылар катнаша.
Оештыручылар хәбәр иткәнчә, бәйге балаларны татар шигърияте, милли мәдәният кыйммәтләре белән таныштыру, конкурста катнашучыларны иҗади процесска җәлеп итү, балалар һәм яшьләрдә ватанпәрвәрлек һәм милли үзаң тәрбияләү максатыннан үткәрелә.
«Әлеге бәйге ел саен уздырыла һәм шәһәрләр генә түгел, төбәктәге татар авылларыннан да күпсанлы балалар һәм яшүсмерләрне җәлеп итә. Анда башка милләт вәкилләре дә актив катнаша. Конкурс милләтара һәм конфессияара татулык, үсеп килүче буынны патриотик рухта тәрбияләү факторы буларак та мөһим роль уйный», - дип искәртте Радик хәзрәт Әхмәтов.
28 февральгә кадәр дәвам итәчәк бәйге программасы кысаларында балалар татар һәм рус телендә шигырьләр укый, яки жюрига видеоязмалар, рәсемнәр җибәрә. Конкурска 10 мартта нәтиҗә ясалачак, диелә хәбәрдә.
Яңалыкларны күзәтеп бару өчен Макс-каналга язылыгыз