Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Тара Дуслык йорты Омск өлкәсендә иң яхшы мәдәният учреждениесе дип табылган
Бәйгедә катнашырга теләк белдергән 23 мәдәният учреждениесенең эшчәнлеге бәяләнгән.
(Казан, 7 декабрь, «Татар-информ»). Узган атнада Омск өлкәсе Мәдәният министрлыгы Традицион милли (халык) мәдәният үзәкләре эшчәнлегенә йомгак ясаган. Нәтиҗәдә, Тара Дуслык йорты өлкәдәге иң яхшы мәдәният учреждениесе дип табылган. Бу хакта Бөтендөнья татар конгрессы матбугат хезмәте хәбәр итә.
Бәйгедә катнашырга теләк белдергән 23 мәдәният учреждениесенең эшчәнлеге бәяләнгән. Үз заявкаларында авторлар 2020 елда үзәкләрнең эшчәнлеге турында аналитик белешмәләр һәм фотоматериаллар тәкъдим иткән.
Составында Омск өлкәсе Мәдәният министрлыгы, мәдәният буенча иҗтимагый совет һәм өлкә Иҗтимагый палатасы вәкилләре булган конкурс комиссиясе учреждениеләрнең матди-техник базасы дәрәҗәсен – музыкаль җиһазлар, оргтехника, милли костюмнар булуын бәяләгән; фольклор-этнографик экспедицияләрнең ни дәрәҗәдә комплекслы үткәрелүенә һәм җыелган материалның билгеле бер системага салынуына, шулай ук чараларның традицион халык мәдәниятен популярлаштыруга юнәлдерелүенә анализ ясаган.
Кызыклы яңалыкларны күзәтеп бару өчен Телеграм-каналга язылыгыз