Мәдәният 11 ноябрь 2018 10:31

Танылган мәгърифәтче Исмәгыйль Гаспралы турында фильм тәкъдим ителде

Исмәгыйль Гаспралы - унтугызынчы гасыр ахырында Бакчасарайда яшәгән танылган фәлсәфәче һәм мәгърифәтче.

Скопировать ссылку

(Казан, 11 ноябрь, «Татар-информ»). Мәскәүдә «Исмәгыйль һәм аның кешеләре» («Исмаил и его люди») документаль фильмы тәкъдим ителде. Бу хакта «МИР 24» телеканалы хәбәр итә.

Фильм унтугызынчы гасыр ахырында Бакчасарайда яшәгән Исмәгыйль Гаспралыга багышлана. Ул төрки дөньяда җәдитчелек идеясен алга сөргән мәгърифәтче, татар-төрки мәктәпләре өчен дәреслекләр, шул исәптән “Ысулы җәдит” программасын төзүче буларак билгеле.

«Исмәгыйль Гаспралы зирәклеге белән барыбызны да берләштерә. Фильмны эшләргә теләвемнең төп максаты шул иде», – дип сөйләгән фильм режиссеры Евгений Кожокин.

Документаль фильм «Ватан тарихы» («История отечества») фонды ярдәмендә төшерелгән.

Фильмда бүгенге көндә яшәүче кырым татарлары, шул исәптән Гаспралы оныгының кызы Гөлнар Сеитваниева да катнашкан.

Фильм күренешләре Симферопольдә, Бакчасарайда һәм Иске Кырымда төшерелгән.

#Исмәгыйль Гаспринский #Исмәгыйль гаспралы

Сәхифәләр

Танылган мәгърифәтче Исмәгыйль Гаспралы турында фильм тәкъдим ителде