Талия Миңнуллина: KazanSummit форумы июльгә күчерелә
Форум ислам финансларына багышланачак.
Скопировать ссылку
(Казан, 9 декабрь, «Татар-информ», Гадел Әхмәтҗанов). 2021 елның язында үтәргә тиешле KazanSummit форумы киләсе елның июленә күчерелде. Бу хакта «Хәләл — яшәү рәвеше» дип аталган Бөтенроссия конференциясендә Татарстан Инвестицион үсеш агентлыгы җитәкчесе Талия Миңнуллина хәбәр итте.
«KazanSummit форумы 2021 елның июль аена күчерелә. Әмма барысы да эпидемиологик вазгыятькә бәйле булачак», — диде ул.
Форумны ислам финансларына багышлау планлаштырыла.
Талия Миңнуллина сүзләренчә, бүгенге көндә ислам икътисады үсә. Россия — хәләл индустрия үсеш алган илләрнең берсе.