Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Тәлгать Таҗетдин: Халык һәм илләрне бер-берсенә каршы котыртырга тырышалар
Россия мөселманнары Үзәк Диния нәзарәте рәисе, мөфти Тәлгать хәзрәт Таҗетдин әйтүенчә, хәзер көч кулланып, дошманлаштырып, халык һәм илләрне бер-берсенә каршы котыртырга тырышалар.
«Без экстремизм һәм террорчылыкка каршы. Шатлык һәм кайгыны уртаклашкан халкыбызның үзара ихтирамы һәм ышанычы - Аллаһы Тәгаләнең бәяләп бетергесез бүләге. Насыйп булса, бердәмлектә без илебезгә килгән сынауларны да үтәрбез», - диде ул Казанда «Россия - Ислам дөньясы» XIV Халыкара икътисади форумы утырышында.
Аның фикеренчә, Россиядә рухи-әхлакый кыйммәтләр булганга күрә, диннәр арасындагы сугышлар булмаган. «Илебездә төрле милләт вәкилләренең мөнәсәбәтләре әле дә бик яхшы. Киләчәктә традицион дини-әхлакый кыйммәтләрне торгызган очракта гына үзара аңлашу, хезмәттәшлек аша халык һәм илләрнең тынычлануына ирешергә мөмкин», - дип йомгаклады ул.
Кызыклы яңалыкларны күзәтеп бару өчен Телеграм-каналга язылыгыз