Хәвеф-хәтәр 3 февраль 2010 23:36

Талаучылар эчке эшләр органнары хезмәткәрләре кулына төшкән, арада Удмуртия кешеләре бар

Җинаятьчеләрнең ит, акча, кесә телефоны, “КамАЗ” запас частьләренә күзе кызган

Скопировать ссылку

(Казан, 3 февраль, “Татар-информ”). 1 февраль көнне төнге 10да Татарстанның Менделеевск районында Алабуга – Ижевск юлының 12 нче чакрымында урнашкан “Дилижанс” кафесы янында туктап торган “ВАЗ-2107” автомобилендәге билгеле булмаган затлар, пистолетка охшаган нәрсә белән янап, “Липатов” шәхси предприятиесенең “ГАЗель” машинасы шоферын (ул 1984 елгы) үзенең транспортында кырга алып чыкканнар һәм машинадан, ачык рәвештә, 80 кило ит продуктларын, 1,5 мең сум акчасын һәм аудиоколонкаларын талап алганнар. Оператив төркем һәм ЮХИДИ хезмәткәрләре, ”Перехват” планы буенча, Удмуртия Республикасы Грахов районының исерек хәлдәге качып барган кешеләрен (алар 1983, 1985, 1987 һәм 2се 1984 елгылар) тоткарлаган. Алар – “Родина” авыл хуҗалыгы җитештерү кооперативы эшчеләре, арада берсе элек хөкем ителгән булган.

Шушы ук көнне сәгать көндезге 10да Казанның Идел буе районы Магистраль урамындагы 35 нче йорт турысында җинаятьләрне эзләү хезмәткәрләре тарафыннан 3 кеше тоткарланган, аларның 1980 һәм 1983 елгылары беркайда да эшләми, 1990 елгысы - “ЗЖБИ ИнтехСтрой” ҖЧҖ эшчесе. Әлеге затлар шушы предприятие территориясеннән 28 гыйнвар көнне сәгать кичке 7дә “КамАЗ” машинасы запас частьләрен урлап, 540,2 мең сумлык зыян салуда гаепләнә.

Яшел Үзән районында 30 гыйнвар төнге 1дә беркайда да эшләмәүче 1973 елгы ир 1989 елгы кызның өендә “Нокиа”, “Сименс” 2 кәрәзле телефонын, кием-салымын талап алган. Шуның өчен кеше талаган әлеге зат тоткарланган.

Мәгълүматлар ТР буенча Эчке эшләр министрлыгыннан алынды.

Сәхифәләр

Талаучылар эчке эшләр органнары хезмәткәрләре кулына төшкән, арада Удмуртия кешеләре бар