Җәмгыять 10 гыйнвар 2017 16:45

Таиландта су басулар аркасында туроператорлар туристларның ялын үз хисабына озынайта

10 гыйнварга кадәр бу илдә Россиядән килгән якынча 8 мең турист исәпләнгән, хәзер анда әле 4 мең тирәсе россияле калган.

Скопировать ссылку

(Казан, 10 гыйнвар, "Татар-информ"). Яңа ел ялларында Тайландка ялга киткән Россия туристларының ялы туроператорлар хисабына озынайтылачак, дип хәбәр итте Россия Туроператорлар ассоциациясе башкарма директоры Майя Ломидзе дип яза ТАСС. Чөнки гыйнварда Тайландның көньягында су басулар аркасында анда күп кенә туристларның ялы бозылды, аларның Россиягә кайту мөмкинлеге дә кыенлашты. 10 гыйнварга кадәр бу илдә Россиядән килгән якынча 8 мең турист исәпләнгән, хәзер анда әле 4 мең тирәсе россияле калган.

“Тайланд хакимияте вазгыятьне гадәттән тыш дип танырга теләмәсә дә, андагы хәлләр мөшкел. Туроператор кешеләр су баскан урыннардан чыга алганчы, туристларга ялга килгән отельләрдә калырга мөмкинлек бирде. Россия туристлары су басулардан башкача зыян күрмәде”, - дип белдергән Туроператорлар ассоциациясе вәкиле.

#Тайланд #туроператор #Россия #турист #туристлар #Яңа ел

Сәхифәләр

Таиландта су басулар аркасында туроператорлар туристларның ялын үз хисабына озынайта