Таиланд Сабан туенда кунаклар татар халык ашлары һәм иҗат коллективлары белән танышкан
Таиландта дүртенче тапкыр уздырылган Сабантуйга биш меңнән артык кеше килгән. Милли бәйрәм Пхукет утравында үткән.
«Чараның хедлайнеры – Татарстанның халык артисты Гүзәл Уразова һәм ди-джей Сөләйман булды. Сабантуй кунаклары татар халык ашлары белән танышты һәм иҗат коллективлары концертын карады. Традицион уеннарда ярышты һәм бүләкләр отты. Чара Бөтендөнья татар конгрессы ярдәме белән үткәрелде», – диде «Татар-информ»га Пхукеттагы «Рассвет» рус мәктәбе җитәкчесе Камилә Медярова.
Фото: Валентина Фадеева, фото автор рөхсәте белән куела
Сабантуйны Камилә Медярова һәм Надежда Журавлёва җитәкчелегендәге «Рассвет» рус мәктәбе уздырган.
Фото: Валентина Фадеева, фото автор рөхсәте белән куела
- Таиландта Сабан туе беренче тапкыр 2022 елда үткәрелгән иде.