Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Табылдык кредит картасы белән хатыннарына йомшак аю алган әлмәтлеләр тоткарланды
Полицейскийлар Әлмәт районында яшәүче дүрт егетне тоткарлады.
(Әлмәт, 14 октябрь, “Татар-информ, “Әлмәт таңнары”). Полицейскийлар Әлмәт районында яшәүче дүрт егетне тоткарлады. Алар чит кеше картасыннан 57 мең сумнан артык акча алып, бу акчага ашап чыкканнар, аннары кыйммәтле 2 смартфон һәм хатыннарына бүләккә 4 зур плюш аю һәм чәчәк бәйләмнәре алганнар, дип сурәтли сәер гамәлләрне “Әлмәт таңнары” газетасы.
Аларны 31 яшьлек әлмәтле полициягә кредит картасы югалу турында хәбәр иткәннән соң тоткарлыйлар. Хатыны белән төнге клубта ял иткән әлмәтле кичке аш өчен кредит картасы белән түли һәм аны чалбарының арткы кесәсенә тыгып куя. Ә иртән йокыдан уянуына телефонына акча алу турында смслар килгәнен күреп гаҗәпкә кала. Баксаң, пин-кодсыз булган кредит картасын 19, 20 һәм 26 яшьлек Әлмәт районы егетләре таба һәм бу акчага рәхәтләнеп күңел ача. Алар кергән кибетләрдә видеокамералар куелган булып чыга. Шул рәвешле, аларны тиз табалар.
Кызыклы яңалыкларны күзәтеп бару өчен Телеграм-каналга язылыгыз