Табиблар Татарстан халкының күпләп имгәнү алуын төбәкнең динамик үсеше белән бәйли
Ел дәвамында республиканың һәр унынчы кешесе бер тапкыр булса да нинди дә булса имгәнү ала.
(Казан, 26 декабрь, "Татар-информ", Наталья Рыбакова). Ел дәвамында республиканың һәр унынчы кешесе бер тапкыр булса да нинди дә булса имгәнү ала. Россия буенча әлеге күрсәткеч түбәнрәк – әлеге вакыт аралыгында анда һәр 11нче кеше имгәнгән яки җәрәхәтләнгән.
"Татарстанлыларның күпләп имгәнү алуы төбәкнең динамик үсеше белән бәйле, - дип белдерде “Татар-информ” мәгълүмат агентлыгында узган матбугат конференциясендә Татарстанның баш травматологы Сергей Кривошапко.
“Республика күләмендә алганда, имгәнү буенча күрсәткечләр Россиядәгегә караганда югарырак. Бу - төбәкнең динамик үсеше, төзелешләрнең актив темпта баруы, спорт чараларының күпләп үтүе белән бәйле”, - дип билгеләп үтте эксперт.
Кривошапко: "Агулану һәм тышкы йогынты тәэсирендә, йөрәк-кан тамырлары авырулары һәм онкологиядән кала, имгәнүләр аркасында үлем өченче урында тора", дип белдерде.
Татарстанда һәм Россиядә халыкның 19 процентка якыны - 60 яшьтән өлкән кешеләр. Үлем-китемнең өчтән бере шушы чорга туры килә. Экспертлар фаразы буенча, 2050 елда Россия төбәкләрендә өлкәннәр өлеше 30 процент тирәсе булачак.