Җәмгыять 23 декабрь 2020 10:23

Табиблар коронавирус инфекциясен таратырга мөмкин булган бүләкләрне атады

Уенчыклар, бүләкләр һәм яңа ел бизәкләре Covid-19 вирусын йоктырырга мөмкин.

Скопировать ссылку

(Казан, 23 декабрь, «Татар-информ»). Кайбер уенчыклар, бүләкләр һәм яңа ел бизәкләре коронавирус таралуга сәбәпче булырга мөмкин. Бу хакта табиблар фикеренә сылтама белән РИА Новости яза.

Вирус катыргы өслекләргә һәм акчада бер тәүлеккә кадәр, ә пластик һәм металлда өч көнгә кадәр сакланырга мөмкин.

Эпидемиолог Ольга Ненастина сүзләренчә, авыру китереп чыгара торган бактерияләр еш кына җылы, дымлы тирәлектә (киемдә һәм урын-җирдә) үрчи. Коронавирус исә каты өслекләрдә, шул исәптән пластик һәм тутыкмый торган тимердә озаграк саклана.

Бүләк сайлаганда һичшиксез битлек һәм перчатка кияргә кирәк. Медицина фәннәре докторы, иммунолог Владимир Жемчугов сатып алынган әйберләрне өйгә алып кайткач дезинфекцияли торган сыеклык белән чистартырга киңәш итте.

Сәхифәләр

Табиблар коронавирус инфекциясен таратырга мөмкин булган бүләкләрне атады