Җәмгыять 30 апрель 2024 14:47

Табиб йокы туймауның сәламәтлеккә йогынтысы турында сөйләде

Скопировать ссылку

Йокы туймау күз авырулары барлыкка килү куркынычын арттыра, аларның корылыгына һәм мускулларның арыганлыгына китерә, дип хәбәр итте РИА Новостига Мәскәү өлкәсе Сәламәтлек саклау министрлыгының Видновск клиник хастаханәсе офтальмологы Ирина Крестьянинова.

«Әйе, йокы туймаудан күрү начарланырга мөмкин. Бу миф түгел, ә фәнни яктан расланган күренеш. Йокы туймау күрүгә тискәре йогынты ясау сәбәпләре - күз мускулларының арыганлыгы. Ял җитмәү һәм йокы озынлыгы кимегәндә күз мускуллары тулысынча ял итәргә өлгерми, бу фокусның начарлануына һәм күрүнең югалуына китерергә мөмкин», - диде Крестьянинова.

Офтальмолог сүзләренчә, тиешенчә йокламау шулай ук күз яшьләрен чыгаруны киметергә мөмкин, бу компьютерда яки түбән дымлылыкта эшләгәндә күзләрнең корылыгын арттыра. Йокы җитмәү кан әйләнеше бозылуга китерә, шул исәптән күз тукымаларын кан белән тәэмин итү, бу күрүгә тискәре йогынты ясый ала.

«Кайбер тикшеренүләр күрсәткәнчә, хроник йокы туймау глаукома һәм күзнең челтәр катлавы деградациясе кебек төрле күз авырулар куркынычын арттырырга мөмкин. Шуңа күрә күз сәламәтлеген һәм яхшы күрү сәләтен саклау өчен йокының җитәрлек дәвамлылыгын һәм сыйфатын тәэмин итү мөһим. Тәүлегенә җиде-тугыз сәгать йокларга киңәш ителә, шул ук вакытта организмның индивидуаль ихтыяҗларын исәпкә алырга кирәк», - дип киңәш бирде Крестьянинова.

Сәхифәләр

Табиб йокы туймауның сәламәтлеккә йогынтысы турында сөйләде