Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Табиб Бурбон вирусының төп билгеләрен атады
Бурбон вирусы вакцина булмау белән генә түгел, ә диагностикадагы катлаулыклар белән дә куркыныч, чөнки аның симптомнары башка талпан инфекцияләренә охшаш, дип сөйләде дәүләт мәгариф университетының медицина факультетының хирургия кафедрасы өлкән укытучысы Александр Умнов.
«Бурбон вирусы симптомнары башка талпан инфекцияләре билгеләренә бик охшаган - шул ук лайм, эрлихиоз, Хартленд вирусы. Күп кенә табиблар әлеге сирәк очрый торган вирусны тиз генә ачыклый алмый. Аның өчен махсус тестлар әлегә юк», - дип аңлатты Умнов «Лента.ру» сайтына. Бу хакта РИА Новости яза.
Умнов талпан белән контакттан соң кичекмәстән табибка мөрәҗәгать итәргә киңәш итте. Аның сүзләренчә, бу дөрес һәм вакытында диагностикалауга шансларны арттырачак.
Вирусның симптомнары температура, арыганлык, тән тиресе кычытуы, баш авырту, күңел болгану һәм тәндә авырту булып тора. Табибларга аны махсус анализлар булмау сәбәпле табуы кыен, дип ассызыклады телеканал.
Роспотребнадзорда 2 августта Россиядә вирус циркуляциясе турында мәгълүмат юк, дип хәбәр иттеләр. Авыру таратучы талпаннарның Россиядә даими табигый ареалы һәм тотрыклы популяцияләре юк.
Кызыклы яңалыкларны күзәтеп бару өчен Телеграм-каналга язылыгыз