Табиб беренче сыйныф укучысына нинди прививкалар ясалырга тиешлеген сөйләде
Скопировать ссылку
Беренче сыйныфка барган балага берничә прививка ясалырга тиеш. Бу хакта «Татар-информ»да узган матбугат конференциясендә ТР Сәламәтлек саклау министрлыгының штаттан тыш баш эпидемиологы Дмитрий Лопушов сөйләде.
«Баланың мәктәпкә керү яше 7 яшь, ә милли календарьда каралган прививкаларны 6 яшьтә ясыйлар», - дип аңлатты Лопушов.
Шул рәвешле, 7 яшьлек балага түбәндәге прививкалар ясалырга тиеш:
дифтерия;
столбняк;
кызамык;
эпидемик паротит;
туберкулез;
пневмококк инфекциясе.
Гриппка каршы сезонлы вакцинация дә артык булмаячак, дип билгеләде эпидемиолог.