Хәвеф-хәтәр 31 июль 2018 14:34

Таҗикстанда велосипедчы туристларның яллап үтерелүе ачыкланган

Чит ил туристларына оештырылган һөҗүм өчен җаваплылыкны «Ислам дәүләте» террорчылык оешмасы үз өстенә алган.

Скопировать ссылку

(Казан, 31 июль, «Татар-информ»). Дангарада бер төркем чит ил велосипедчыларын Таҗикстанда тыелган Ислам яңарыш партиясе (ПИВТ) әгъзасы яллап үтерткән. Бу хакта Таҗикстан Эчке эшләр министрлыгына сылтама ясап CA-NEWS Үзәк Азия яңалыклар хезмәте хәбәр итә.

Ведомство мәгълүматларыннан күренгәнчә, заказ бирүче һәм җинаятьче ПИВТ әгъзалары булган һәм Иранда белем алган.

Эчке эшләр министрлыгы мәгълүматлары буенча, туристларны үтерергә Носирхуҗа Убайдов заказ биргән. Ул 1992 елдан Ислам яңарыш партиясендә әгъза булып торган. Аны 2015 елдан бирле эзләгәннәр.

«Чит ил туристларына һөҗүм итүгә бәйле җинаять тулысынча ачылган, биш җинаятьче кулга алынган, дүртесе үтерелгән. Әлеге җинаятьне тикшерү дәвам итә», - дип белдерә ведомство.

Кичә Таҗикстанда коралланган җинаятьчел төркем Daewoo Leganza машинасында бер төркем чит ил велосипедчыларын бәрдергән. Шуннан соң туристларны үтереп, җинаять урыныннан качып киткәннәр.

Таҗикстанда чит ил туристларына оештырылган һөҗүм өчен җаваплылыкны «Ислам дәүләте» террорчылык оешмасы үз өстенә алган.

#таҗикстан #чит ил туристлары #велосипедчылар #террорчылык #"ислам дәүләте" оешмасы

Сәхифәләр

Таҗикстанда велосипедчы туристларның яллап үтерелүе ачыкланган