Таҗикстанда автомобиль чит ил туристлары велосипедчылары төркемен бәрдергән
АКШ, Швейцария, Нидерланд һәм Франциядән җиде велосипедчы зыян күргән, шуларның дүртесе үлгән.
(Казан, 30 июль, “Татар-информ”) Таҗикстанда автомобиль чит ил туристлары велосипедчылары төркемен бәрдергән. Күргән зыяннан дүрт кеше һәлак булган. Бу хакта “Анадолу” агентлыгы хәбәр итә.
Таҗикстан Эчке эшләр министрлыгы башлыгы Рамазан Рахимзаде хәбәр итүенчә, әлеге хәл Хатлонский өлкәсендә килеп чыккан.
АКШ, Швейцария, Нидерланд һәм Франциядән җиде велосипедчы зыян күргән, шуларның дүртесе үлгән, дигән Рахимзаде.
Министр төркемне таптату талау максатыннан булырга мөмкин, дигән. Шулай ук теракт булу мөмкинлеге дә күздә тотыла.
Җинаятьчеләрне тоткарлау операциясендә аларның икесе юк ителгән, берсе яраланган. Җинаятьчеләрнең берсендә пистолет табылган.