Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Төяп барган йөгенә тиешле документлары булмаган шоферлар тоткарлана тора
Йөкнең төрлесе бар: җиңел машиналар, машина кузовлары, төсле металл калдыклары һ.б.
(Казан, 30 сентябрь, «Татар-информ»). 28 сентябрьдә Чистай – Нурлат юлының 7 нче чакрымында республика ЮХИДИ идарәсенең юллардагы патруль хезмәте полкы хезмәткәрләре 2 кузов җиңел машина төяп барган «КамАЗ» машинасын туктаткан. Йөк машинасы белән идарә иткән 1988 елгы ир-егетнең шуңа тиешле документлары булмаганга, мәсьәләгә ачыклык кертү өчен, ул Чистай эчке эшләр бүлегенә озатылган.
Ул көнне Азнакай – Бөгелмә юлының 28 нче чакрымында патруль хезмәте тоткарлаган «ГАЗ-3221» автомобиле шоферының да арбасындагы «ГАЗ-31029»ның кузовын алып баруга тиешле документлары булмаган. 1958 елгы шофер Бөгелмә эчке эшләр бүлегенә китерелгән.
Аннан алдарак, 26сы көнне, Чаллы – Әлмәт юлының 41 нче чакрымында туктатылган «ИЖ-2717» машинасы белән идарә иткән 1972 елгы ир-егетнең, шулай ук, 10-15 кг бакыр, 6-8 кг алюмин, 30-35ләп иске аккумулятор төяп баруга хокук биргән документлары булмаган. Анысы исә Зәй шәһәре эчке эшләр идарәсенә китерелгән.
ТР буенча Эчке эшләр министрлыгының ЮХИДИ идарәсе хәбәр иткәнчә, 25ендә Әлмәт – Чаллы юлының 50 нче чакрымында юллардагы патруль хезмәте полкыныкылар туктаткан «ВАЗ-2109» машинасы салонында сыеклык суыртылган шприц, дару төймәләре табылган, һәм алар наркотик матдәләр булырга мөмкин дип фаразлана. Машина рулендәге 1989 елгы зат эше белән Зәй эчке эшләр бүлеге шөгыльләнә.
Кызыклы яңалыкларны күзәтеп бару өчен Телеграм-каналга язылыгыз