news_header_top
16+
news_header_bot
news_top

Тәтеш районында юкка чыккан 76 яшьлек ир-атны эзлиләр

Әлеге хәлгә Баймәт авылы кешесе юлыккан.

(Казан, 1 октябрь, "Татар-информ"). Тәтеш районында урманда 76 яшьлек ир-ат югалган. Бу хакта “Татар-информ” агентлыгына Россия Гадәттән тыш хәлләр министрлыгының Татарстан буенча Баш идарәсе матбугат хезмәтеннән хәбәр иттеләр.

Кичә Баймәт авылыннан иртән чыгып киткән олы яшьтәге кеше югалу хәбәре алынган. Авылда ул табылмаган, урманга киткән булуы ихтимал, дигән фараз бар.

Ир-атны 1 нче зона коткару-эзләү отряды эзләргә чыккан. Гадәттән тыш хәлләр министрлыгы хезмәткәрләре авыл тирәсендәге урман-ерымнарны, сулыкларны карап, тикшереп чыккан. Зур Әтрәч авылы басуларын да караганнар. 10 квадрат километрдан артык араны карап-әйләнгәннәр, әмма ир-ат табылмаган.

news_right_1
news_right_2
news_bot