Тәтеш мәктәбе укучылары район гәҗитенең яңа саны ничек әзерләнүе белән танышты
Тәтештәге 1нче урта мәктәпнең хезмәт һәм ял мәктәп яны лагеренә йөрүчеләр “Авангард” гәҗите редакциясендә экскурсиядә булды.
(Тәтеш, 22 июнь, “Татар-информ", "Тәтеш таңнары", Мария Храмова). Тәтештәге 1нче урта мәктәпнең хезмәт һәм ял мәктәп яны лагеренә йөрүчеләр педагоглары озатып йөрүендә “Авангард” гәҗите редакциясендә экскурсиядә булды һәм андагы хезмәткәрләрнең эше белән танышты. Бу турыда җирле басма хәбәр итә.
Баш мөхәррир Инга Сәфәрова гәҗитнең бер гасырлык бай тарихы белән таныштырды. Ул мәктәп укучыларын вакытлы матбугат басмасының бүлмәләре буйлап алып йөрде һәм гәҗит эшенең барлык этаплары, һәрбер хезмәткәрнең вазифасы, корреспондентларның мәкаләләрне ничек язулары, сайтның эше һәм гәҗитнең яңа санының ничек ясалуы хакында ачык итеп күрсәтеп, тулы мәгълүматлар биреп сөйләде.
Ачыкланганча, укуда, спортта һәм иҗади эшчәнлектә аерылып торган кайбер экскурсантлар турында без гәҗитебез битләрендә берничә тапкыр яздык.
Кунаклар арасында яраткан район гәҗитебез битләрендәге язмаларның авторлары булып торган укучылар да бар иде.