Җәмгыять 4 февраль 2018 13:01

Төркиянең туризм тармагы кризистан чыга

Төркиянең туризмнан алган кереме, 2016 ел белән чагыштырганда 26,3 миллиард сумга арткан.

Скопировать ссылку

(Казан, 4 февраль, "Татар-информ"). Төркиянең туризм өлкәсе кризистан соң, кабаттан үсеш кичерә. Бу хакта “Анадолу” агентлыгы хәбәр итә.

Төркия хакимиятенең дипломатик тармакта һәм илнең турфирмаларына ярдәм итү максатыннан кабул иткән чаралары ярдәмендә, 2017 елда илнең туризм өлкәсендә кабаттан үсеш теркәлгән. Төркиянең туризмнан алган керемнәре узган ел 19 процентка үсеп, 2016 ел белән чагыштырганда, 26,3 миллиард сумга арткан.

Туристлар узган елда Төркиягә турлар өчен 4,822 миллиард доллар акча тоткан. Ә туристларның Төркиядәге чыгымнары 21,46 миллиардны тәшкил иткән.

Төркиядәге туристарның иң күп чыгымы азык-төлек сатып алу өчен тотылган – 5,86 миллиард доллар.

Төркиядә яшәү өчен туристларның чыгымы - 3, 084 миллиард сум, транспорт чыгымнары – 1,967 миллиард, медицина хезмәтләренә – 827 миллиард, тарихи һәйкәлләрдә булу – 292 миллион, турлар өчен – 105 миллион тәшкил иткән.

#Төркия #турист

Сәхифәләр

Төркиянең туризм тармагы кризистан чыга