news_header_top_970_100
news_header_bot_970_100

Төркиянең төзекләндерү һәм торак хуҗалык министры Казанга килә

Төркиянең төзекләндерү һәм торак хуҗалык министры Казанга килә

(Казан, 20 декабрь, «Татар–информ»). Бүген кич Казанга ике көнлек визит белән Төркия Республикасының төзекләндерү һәм торак хуҗалык министры Зеки Эргезен килә. Визит барышында Татарстан–Төркия хезмәттәшлеген киңәйтү мәсьәләләре каралачак.

2003 ел нәтиҗәләре буенча Татарстанның тышкы сәүдә партнерлары арасында Төркия сигезенче урында тора. Әлеге илгә экспорт күләме 2002 ел белән чагыштырганда 12,2 тапкырга артып, 156,5 миллион доллар тәшкил иткән, импорт – 3,1 миллион. Агымдагы елның тугыз ае нәтиҗәләре буенча, экспортка җибәрүләр – 659,4 миллион доллар һәм импорт – 4,3 миллион доллар.

Зеки Эргезенның республикага визиты программасында Татарстан һәм Казан җитәкчелеге белән очрашу, сәүдә һәм тышкы икътисади хезмәттәшлек, төзелеш, архитектура һәм торак–коммуналь хуҗалык министрлыкларында сөйләшүләр планлаштырылган. Төркия министры Татарстанда төгәлләнеп килүче тузган торакны бетерү программасы белән тынышырга, төрек бизнесменнары белән очрашырга ниятли. Ул шулай ук Казанда Төркия Республикасының Генераль консуллыгының яңа бинасы төзелешендә беренче нигез ташын салу тантанасында катнашачак.

news_right_column_1_240_400
news_right_column_2_240_400
news_bot_970_100