Хәвеф-хәтәр 18 февраль 2017 09:31

Төркиянең көньяк-көнчыгышында булган теракт нәтиҗәсендә 3 яшьлек бала һәлак булган

Сирия белән чиктәш Вираншехир шәһәрендәге шартлауда бердән өчкә кадәр кешенең гомере өзелгән.

Скопировать ссылку

(Казан, 18 февраль, «Татар-информ»). Сирия белән чиктәш төрек шәһәре Вираншехирдагы шартлау нәтиҗәсендә 3 яшьлек бала һәлак булган һәм тагын 15 кеше яраланган. Бу хакта Шанлыурфа провинциясе губернаторы Гюнгера Азим Туна белдергән, дип хәбәр итә РИА “Новости”.

Соңрак Төркиянең хокук саклау органнарындагы чыганак һәлак булучыларның саны 3 кешегә җитүен хәбәр иткән.

Төрек агентлыгы Anadolu мәгълүматларына караганда, шартларткыч белән тутырылган автомобиль прокурорлар һәм судьялар фатирлары урнашкан бина янында шартлаган. Терактның максаты алар булуы ихтимал.

“Би-би-си рус хезмәте” Вираншехирада яшәүче халыкның күбесе көрдәләр булуын искәртә.

Һөҗүм ясаучылар я Көрд эшче партиясе боевиклары, я “Ислам дәүләте” терротистик төркемнәре булу мөмкин. (ДАИШ Россиядә тыелган).

#Төркия #теракт #фаҗига

Сәхифәләр

Төркиянең көньяк-көнчыгышында булган теракт нәтиҗәсендә 3 яшьлек бала һәлак булган