Хәвеф-хәтәр 19 февраль 2022 11:00

Төркиядә туристлар утырган автобус юл һәлакәтенә юлыккан

Зыян күрүчеләр арасында Россия гражданнары юк.

Скопировать ссылку

(Казан, 19 февраль, «Татар-информ»). Төркиянең Конья шәһәрендә туристлар утырган автобус юл һәлакәтенә очраган.

Зыян күрүчеләр арасында Россия гражданнары юк, дип белдерә Россиянең Төркиядәге вәкиллеге. Бу хакта РИА Новости яза.

Туристлар утырган автобус катнашындагы юл һәлакәте бүген килеп чыккан. Автобус Төркиянең Аксарай һәм Конья шәһәрләре арасында юлдан чыгып очып, түбәсенә капланган. Якынча мәгълүматлар буенча, биш кеше һәлак булган, 26 кеше имгәнгән.

«Алдан алган мәгълүматларга караганда, һәлакәткә дучар булучылар арасында Россия кешеләре юк. Вәкиллеккә әлеге юл-транспорт һәлакәтенә бәйле Россия гражданнарыннан мөрәҗәгать итүләр булмады. Хакимиятләр бу җәһәттән безгә берни дә хәбәр итмәде», — диләр вәкиллектә.

#авария

Сәхифәләр

Төркиядә туристлар утырган автобус юл һәлакәтенә юлыккан