Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Төркиядә җир тетрәү сәбәпле 35 йорт җимерелгән
Табигый бәла-каза Төркиянең көнбатыш өлешендә урнашкан Маниса провинциясендә була.
(Казан, 28 май, “Татар-информ”). Төркиянең көнбатыш өлешендә урнашкан Маниса провинциясендә җир тетрәү сәбәпле 35 йорт җимерелгән. Табигый бәла-казадан сәламәтлегенә зыян килүчеләр турында мәгълүмат юк, дип хәбәр итә Төркия гамәви мәгълүмат чаралары.
“Российская газета” язганча, 5,1 магнитудалы җир тетрәү кичә, 27 майда, 18.53 сәгатьтә була. Босфор университеты каршындагы Сейсмологик институтының мәгълүматы буенча, табигый бәла-казаның үзәге Маниса шәһәреннән көнчыгышка таба 37 чакрым читтә районнарына туры килә.
Көчле булмаган селкенүләр бүген дә сизелеп тора, дип хәбәр ителә. Җирле халыкның күбесе өйләренә әйләнеп кайтырга курка. Шунлыктан вакытларын урамда, махсус коткару хезмәтләре урнаштырган палаткаларда үткәрә, диелә.
Кызыклы яңалыкларны күзәтеп бару өчен Телеграм-каналга язылыгыз