Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Төркиядә барлык урыннарда да медицина битлеге кию таләп ителә
Төркиянең барлык провинцияләрендә дә ил гражданнары һәм кунаклар битлек киеп йөрергә тиеш, кагыйдә бозучыларга административ җаваплылык яный.
(Казан, 8 сентябрь, «Татар-информ»). Төркиянең барлык провинцияләрендә дә медицина битлеге киеп йөрү мәҗбүри куелган, кагыйдә бозучыларга коронавирус таралу шартларында җәмәгать урыннарында битлек режимын үтәмәгән өчен административ җаваплылык яный. Бу хакта Gundem Kibris газетасына сылтама белән «Интерфакс» хәбәр итә.
Төркия Сәламәтлек саклау министрлыгының консультатив советы һәм ил Президенты Рәҗәп Тайип Эрдоган республиканың 81 провинциясенә циркуляр җибәргән. Аның нигезендә ил гражданнары һәм кунаклары җәмәгать урыннарында битлек кияргә тиеш. Битлекне өйдә генә кимәскә була. Карар кичә Министрлар Кабинеты утырышында илдә социаль дистанция чараларын үтәмәү һәм коронавирус йоктыру очраклары арту сәбәпле кабул ителгән.
Газета билгеләп үткәнчә, гражданнар урамнарда, паркларда, бакчаларда, пикникларда, пляжларда, җәмәгать транспортында һәм эш урыннарында битлек кияргә тиеш. Пассажирлар арасында социаль дистанцияне үтәү максатыннан, җәмәгать транспортында аягүрә басып тору тыела.
«Рестораннарда һәм кафеларда төн уртасыннан соң музыкаль концертлар һәм караоке уздыру тыела. Пляжларда, базарларда һәм җәмәгать туклануы урыннарында санитар куркынычсызлык чараларын үтәүне хокук саклау органнары һәм җирле үзидарә органнары күзәтәчәк», — дип яза Gundem Kibris.
Провинция губернаторлары коронавируска каршы көрәш кысаларында кабул ителгән чараларны үтәмәүче физик һәм юридик затлардан административ штрафлар түләтү белән шөгыльләнәчәк.
«Төркиядә COVID-19 пандемиясе икенче пикка җитте. COVID-19 белән зарарлануның иң күп очраклары илдә берничә тапкыр теркәлгән. Биредә бер тәүлектә, май һәм июнь айларында үлүчеләр саны исәпкә алынган. Узган атнада илдә коронавирус белән авыручылар саны 9673 кеше тәшкил иткән. 5 сентябрьдә күрсәткечләр май уртасыннан бирле арихи максимумга җиткән — тәүлек эчендә 1673 авыру ачыкланган», диелә хәбәрдә.
Кызыклы яңалыкларны күзәтеп бару өчен Телеграм-каналга язылыгыз