Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Төркия татарлары татар теленнән белемнәрен камилләштерә
Хатын-кызлар өчен ачылган татар теле курсына 30 кеше йөри.
(Истанбул, 18 ноябрь, “Татар-информ”, Рушания Алтай). Төркиянең татарлар күпләп яшәүче Искешәһир каласында хатын-кызлар өчен татар теле курслары эшли башлады. Бу турыда Искешәһирдәге милләтттәшләр Вахит Ирдән һәм Ведат Догу хәбәр итә.
Татар теле курслары каланың татар мәдәнияте йортында үткәрелә. Дәресләрне Татарстанннан килен булып килгән Лилия Исмәгыйлова - Бәнәклиташ алып бара. Бүгенге көндә анда 30 кеше укый. Дәресләр атнага бер көн 3 сәгать алып барыла.
Курс Искешәһир татарлары җәмгыяте тарафыннан ана телне саклау максаты белән оештырылган. Бу уңайдан активист Ведат Догу: “Өлкән буын татарчаны әле онытмады. Ә менә яшь буын вәкилләре ана телебезне белеп җиткерми. Бу курсны балаларыбызның татарча белмәве өчен борчылганнан оештырдык. Укытучыларыбыз өчәү. Әлегә дәресләрне Лилия ханым алып бара”, - диде.
Кызыклы яңалыкларны күзәтеп бару өчен Телеграм-каналга язылыгыз