Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Төркия россиялеләрне эчке паспортлар белән кабул итәргә әзер
Мәвлүт Чавушоглу сүзләре буенча, чит ил паспортыннан башка сәфәр кылу турында сөйләшүләр «күңелсез вакыйгалар»га кадәр үк булган.
(Казан, 27 март, «Татар-информ»). Төркиянең чит ил эшләре министры Мәвлүт Чавушоглу белдерүенчә, Төркия Россия белән һәр ике дәүләт гражданнарына эчке паспортлар буенча сәфәр кылырга мөмкинлек бирүне тикшерергә ниятли.
Ул бу хакта Анталиядә яшәүче Россия гражданнары белән очрашуда әйтте, дип хәбәр итә ТАСС мәгълүмат агентлыгы, NTV телеканалына сылтама белән.
Чавушоглу сүзләре буенча, чит ил паспортыннан башка сәфәр кылу турында сөйләшүләр «күңелсез вакыйгалар»га (2015 елның ноябрендә Сүрия чигендә төрекләрнең очкычлары тарафыннан Россиянең Су-24 бомбага тотучы очкычы бәреп төшерелүгә) кадәр дә булган. Хәзер сөйләшүне яңарту ниятләнелә, дип ассызыклады Төркиянең чит ил эшләре министры.
Аэропортларда шәхес таныклыгының эчке өлешен тикшерү буенча җиһазлар куела, дип өстәде ул.
Кызыклы яңалыкларны күзәтеп бару өчен Телеграм-каналга язылыгыз