Икътисад 21 июнь 2017 19:32

Төркия Россиягә 1 миллион доллардан артык бәягә айва керткән

2017 елның биш аенда Төркия Россиягә авыл хуҗалыгы продукциясенең 17 төрен керткән.

Скопировать ссылку

(Казан, 21 июнь, “Татар-информ”). 2017 елның гыйнвар-май айларында Төркия Россиягә 1,95 миллион долларлык - 1469 тонна айва керткән, дип хәбәр иткәннәр «Анадолу» агентлыгына Төркиянең Көнчыгыш-Кара диңгез төбәге экспертлары ассоциациясеннән (DKİB).

Әлеге чорда Төркия Россиягә мандарин, суган, грейпфрут, абрикос, персик, әфлисун, төче чия, кәбестә, слива, бәрәңге, чәчәкле кәбестә, карбыз, кавын, борыч һәм айва керткән.

Төркиянең Көнчыгыш-Кара диңгез төбәге экспертлары ассоциациясе мәгълүматлары буенча, агымдагы елның биш аенда, узган ел белән чагыштырганда, Төркия экспорты сан ягынннан 90 процентка, ә акча буенча 58 процентка арткан.

Гомумән алганда, 2017 елның биш аенда Төркия Россиягә авыл хуҗалыгы продукциясенең 17 төрен керткән.

#Төркия #Җиләк-җимеш #яшелчә

Сәхифәләр

Төркия Россиягә 1 миллион доллардан артык бәягә айва керткән