Икътисад 19 октябрь 2016 15:25

Төркия кунакханәләре 2017 елның җәендә россиялеләргә 30 процент чамасы ташлама тәкъдим итә

Россия туроператорлары белән 2017 елның җәенә килешүләр имзаланган.

Скопировать ссылку

(Казан, 19 октябрь, «Татар-информ»). Төркия кунакханәләре хуҗалары россиялеләргә 2017 елның җәендә ял итү өчен алдан броньланган урыннарга 15-30 процентка кадәр ташлама тәкъдим итәчәк. Бу хакта Coral Travel компаниясенең коммерцияле директоры Эрджюмент Юналан сөйләде, дип яза "Интерфакс".

"Төркия кунакханәләрендә алдан броньланган урыннар өчен ташлама 15 проценттан алып 30 процентка кадәр тәшкил итәчәк. Без ноябрьдә тур программасын планлаштыра башлыйбыз, ноябрь уртасыннан 2017 ел җәенә турпакетлар сатуда пәйда булачак", - дип сөйләде ул.

Икенче кунакханә вәкиле белдергәнчә, Россия туроператорлары белән 2017 елның җәенә килешүләр имзаланган. 2016 елда Россия туристлары күләме 13 процент тәшкил иткән, аларның 2 проценты мөстәкыйль килгән булса, калган 11 проценты юнәлеш ачылганнан соң Төркиягә очкан.

"Без 2017 елда вәзгыятьнең яхшыруына өметләнәбез. Россия базары ачылгач, Европа илләреннән күп кенә туристлар тагын килергә планлаштырулары турында белдерәләр", - дип билгеләп үткән Белектәге Xanadu High Class Resort кунакханәсе генераль директоры Уфук Гезгин.

#Төркия #ял итү сезоны #ташлама

Сәхифәләр

Төркия кунакханәләре 2017 елның җәендә россиялеләргә 30 процент чамасы ташлама тәкъдим итә