Сәясәт 17 апрель 2017 07:54

Төркия Конституциядәге үзгәрешләр яклы

16 апрель Референдумы нәтиҗәләре күрсәткәнчә, Төркия гражданнары Конституциягә кертеләчәк үзгәрешләрне яклап чыккан.

Скопировать ссылку

(Казан, 17 апрель, "Татар-информ"). Соңгы мәгълүматлар буенча, бюльлетеньнәрнең 99,9 процентын тикшергәннән соң нәтиҗәләр мондый: сайлаучыларның 51,2 проценты Төп законга үзгәрешләр кертү өчен - “Әйе”, 48,8 проценты “Юк” дип тавыш биргән. Бу хакта “Анадолу” хәбәр итә.

Бюльлетеннәрнең 99,9 процентын тикшергәннән соң, сайлаучыларның 51, 2 проценты (24 325 985 кеше) Төркия Төп законында президент идарә системасына күчү турындагы үзгәрешләргә – “Әйе”, 48,8 проценты (23 189 021 кеше) “Юк” дип тавыш биргән.

Референдумда халыкның 87,28 проценты катнашкан.

Вакытлыча чит илләрдә яшәгән төркиялеләрнең бюльлетеньнәрен тикшергәннән соң, аларның күпчелеге (58,91 проценты) шулай ук Төркиядә президент идарә системасы булырга тиеш дип тавыш биргәнлеге ачыкланган. Әлеге төр сайлаучыларның 41, 09 проценты Конституциягә үзгәрешләр кертүгә каршы чыккан һәм “Юк” пунктын сайлаган.

16 апрельнең 20.50 сәгатенә ачыкланган мәгълүматлар буенча, уңай җавап бирүчеләрнең иң күбесе - Байбурт (81,67 процент), каршы чыгучыларның иң күбесе Тунджели (сайлаучыларның 80,35 проценты) провинциясеннән.

Референдумның рәсми булмаган нәтиҗәләре ачыклануга, Төркиядә гомумхалык тавыш бирүен бәйрәм итәргә керешәләр.

#Төркия #Референдум

Сәхифәләр

Төркия Конституциядәге үзгәрешләр яклы