Төрек армиясе хатын-кызларына яулык бөркәнергә рөхсәт ителде
Яулыкны фуражка яки берет астыннан ябарга мөмкин булачак.
Скопировать ссылку
(Казан, 26 февраль, "Татар-информ"). Төркиянең хәрби көчләре мөселман хатын-кызларына яулык бөркәнүне тыюны туктатты. Илнең хәрби көчләр министрлыгы игълан иткән карар нигезендә, бу боерык хатын-кыз офицерларга гына кагыла. Рәсми басмалар хәбәр итүенчә, яулыкны фуражка яки берет астыннан ябарга ярый, дип яза Анадолу мәгълүмат агентлыгы.
2010 елда Төркия уку йортларында, 2013 елда – дәүләт оешмаларында, 2014 елда – урта мәктәпләрдә, 2016 елда полиция хезмәткәрләренә эш урынында яулык киюгә каршылыклар бетерелгән иде. Төркия армиясе озак еллар дәүләт белән динне аерып караучы булып торды.
Фото: info-islam.ru