Татарстанда түрәләрнең хезмәт хакын индексацияләүгә акча бүлеп биреләчәк

Бүген Татарстан Дәүләт Советының утырышында депутатлар дәүләт хезмәткәрләренең хезмәт хакын индексацияләүне булдырмый торган закон проектын карарга тиеш иде.

Скопировать ссылку

(Казан, 16 июль, «Татар-информ», Гөлнар Гарифуллина). Бүген алтынчы чакырылыш Дәүләт Советының унберенче утырышында түрәләрнең хезмәт хакын индексацияләмәү турындагы закон проекты каралмаячак. Бу мәсьәләне көн үзәгеннән төшереп калдыруны парламентның бюджет, салымнар һәм финанслар комитеты рәисе Леонид Якунин сорады.

Башта планлаштырылганча, утырышта республика дәүләт хезмәткәрләренең эш хакын 2020 елның октябреннән планлаштырылган индексацияләүне булдырмый торган закон проектын карарга тиешләр иде.

Шул рәвешле, көн тәртибендәге бишенче сорау — «2020 елга, 2021 һәм 2022 еллар план чорына ТР бюджеты турында» ТР законының 22 маддәсенә үзгәреш кертү хакында» 89-6 номерлы ТР закон проекты беренче укылышка кертелми.

«Бу Татарстан Президенты Рөстәм Миңнехановның бу мәсьәләне хәл итү мөмкинлеге табуы, акча бүлеп бирүе белән бәйле», — диде Татарстан парламенты җитәкчесе Фәрит Хәйруллин.

Көн тәртибенә алты федераль закон проекты, өч закон чыгару инициативасы һәм Россия Федерациясенең субъектларының закон чыгару органнарыннан дүрт мөрәҗәгать кертелгән.

#хезмәт хакы #Татарстан Дәүләт Советы

Сәхифәләр

Татарстанда түрәләрнең хезмәт хакын индексацияләүгә акча бүлеп биреләчәк