Төнлә температура түбән төшү Татарстан елгаларында су күтәрелүне туктаткан
Бер тәүлектә Көнчыгыш Кама аръягы, Зөя һәм Кече Чирмешән елгаларында су артуы теркәлгән.
(Казан, 13 апрель, “Татар-информ”). Төнлә температура түбән төшү Татарстан елгаларында су күтәрелүне туктаткан. Бу хакта Россия Гадәттән тыш хәлләр министрлыгының Татарстан буенча Баш идарәсе матбугат хезмәте хәбәр итә.
Бер тәүлектә Көнчыгыш Кама аръягы, Зөя һәм Кече Чирмешән елгаларында су артуы теркәлгән.
Узган атнада Яшел Үзән районында Татар Танае авылында 17 участокны һәм өч шәхси торак йортны су баскан. Борындык авылында 27 участок, шулай ук Азнакай, Яңа Чишмә һәм Буа районнарында тәбәнәк күперләр һәм Чирү авылына юл су астында калган.
Куйбышев һәм Түбән Кама сусаклагычларында су биеклеге критик ноктага җитәргә ике метр калган