Төнлә Казанда каршеринг автомобиле кирпеч коймага килеп бәрелгән
Ике кешене хастаханәгә озатканнар.
Скопировать ссылку
(Казан, 12 март, «Татар-информ», Полина Шевчук). Бүген төнлә Казанның Горький шоссесында «Делимобиль» компаниясенең каршеринг автомобиле катнашында авария булган.
Шаһитлар әйтүенчә, Volkswagen автомобиле зур тизлектә кирпеч коймага килеп бәрелгән. Нәтиҗәдә, койма өлешчә җимерелгән һәм машина өстенә кирпечләр коелган.
«Табиблар авария булган урыннан хатын-кызны һәм малайны хастаханәгә алып китте. Малайга карап торышка биш яшьләр тирәсе», - дип искәртте табиблар.