Төнлә Казанда җиңел автомобиль юл читендә калдырылган «ГАЗель»гә килеп бәрелгән
Авария төнге берләр тирәсендә Минская урамындагы 18нче йорт янында булган.
Скопировать ссылку
(Казан, 23 гыйнвар, «Татар-информ», Полина Шевчук). Төнлә Казанда җиңел автомобиль юл читендә калдырылган «ГАЗель»гә килеп бәрелгән, машина йөртүче зыян күргән. Бу хакта «Татар-информ» агентлыгына шәһәр Дәүләт автоинспекциясеннән хәбәр иттеләр.
«Бүген 1.15 сәгатьтә Минская урамындагы 18нче йорт янында 13нче модельле „Лада“ автомобиленең 27 яшьлек йөртүчесе юл читендә калдырылган «ГАЗель»гә килеп бәрелгән», — дип искәрттеләр ЮХИДИ идарәсендә.
Нәтиҗәдә, машиналарның икесе дә тротуарга килеп кергән. Зыян күрүчене ашыгыч ярдәм машинасында хастаханәгә озатканнар.