news_header_top_970_100
news_header_bot_970_100

Төмәнлеләр Хаҗ сәфәренә җыена

Төмәннән Усман хәзрәт җитәкчелегендә Хаҗга Мәскәү аша китәчәк тагын бер зур булмаган төркем оешкан

(Төмән, 11 ноябрь, “Татар-информ”, Бибинур Сабирова). Төмән мөселманнары Диния нәзарәте 12 кешедән торган мөселманнар төркемен Хаҗ сәфәренә әзерләде, алар 15 нче ноябрьдә Екатеринбург шәһәренә автобуста барып җитеп, аннан юлларын очкычта дәвам итәчәкләр. Төмән диндарлары “Идел-Хаҗ” оешмасы аркылы алдылар визаларын, Мәккәдә Казаннан килгән хаҗиләр төркеменә кушылачаклар. Төмәннән Усман хәзрәт җитәкчелегендә Хаҗга Мәскәү аша китәчәк тагын бер зур булмаган төркем оешкан.
Ханты-Манси һәм Ямал-Ненец автономияле округларыннан Хаҗга мөстәкыйль рәвештә 72 кеше җыелып китә, алар Камил хәзрәт җитәкчелегендә 17 ноябрьдә Соргыттан туры Мәдинә шәһәренә очачак.
Быел төбәк хакимиятләре Хаҗга баручыларга финанс ярдәме күрсәтә алмады, шунлыктан һәркем үз хәләл акчасына бара.
Хаҗ сәфәренең чыгымнары Төмәннән китүчеләр өчен 75 мең сум, ә Соргыттан китүчеләр өчен 105 мең сум акча тәшкил итә. Мәскәү аша китүчеләрнең Хаҗ сәфәре чыгымнарының күләме әлегә мәгълүм түгел.

news_right_column_1_240_400
news_right_column_2_240_400
news_bot_970_100