Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Төмәндә "Ак калфак" оешмасын Римма Вәлиева җитәкләячәк
Төмән өлкәсендә татар хатын-кызларының гаилә ныклыгы, милли тәрбия мәсьәләләренә багышланган конференциясе узды.
(Казан, 5 декабрь, “Татар-информ”). Төмән шәһәренең Татар мәдәни үзәгендә татар хатын-кызларының “Ныклы гаилә – дәүләт нигезе” дип исемләнгән конференциясе узды. Бу хакта Төмәннән Бөтендөнья татар конгрессы рәсми сайтына Зөлфинә Миннибаева хәбәр итә.
Форумны өлкәнең Милләтләр эшләре буенча комитеты һәм Төмән өлкәсе татар конгрессы ярдәмендә Төмән өлкәсенең “Ак калфак” оешмасы үткәргән.
Конференцияне “Ак калфак”ның рәисе Бибинур Сабирова ачкан. Кунакларны Төмән Җәмигъ мәчете рәисе Галимҗан Бикмуллин, Төмән өлкәсе Татар конгрессы Башкарма комитеты рәисе Ринат Насыров һәм башка күренекле затлар сәламләгән.
Конференциядә сүз милли гаиләне ныгыту турында барган, балалар тәрбияләү мәсьәләләренә багышланган чыгышлар булган. Шулай ук Татарстаннан килгән кунак Фәүзия Бәйрәмова да катнашкан. Бибинур Сабированың “Сүзге” китабы киң җәмәгатьчелек игътибарына тәкъдим ителгән. Азакта “Ак калфак” оешмасына яңа рәис сайланган. Хәзер Төмәндә “Ак калфак”ны Римма Вәлиева җитәкләячәк.
Кызыклы яңалыкларны күзәтеп бару өчен Телеграм-каналга язылыгыз