Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Төмән өлкәсендә «ТатЛеди» клубы эшли башлаган
Хатын-кызлар клубы гүзәл затларны татар мәдәниятенә тарту, аларны берләштерү максатын күз алдында тотса да, әниләр, балалар өчен дә төрле чаралар планлаштыра.
(Казан, 18 февраль, "Татар-информ"). Төмән өлкәсендә «ТатЛеди» клубы ачылган. Бу хакта Бөтендөнья татар конгрессының матбугат хезмәте хәбәр итә.
Әлеге клуб Юлия Касыймова һәм Юлия Мирхәйдәрова, Ләйсән Усманова, Рузалия Нуруллина, Рузилә Илчигулова, Земфира Хәмидуллина, Әлфия Дәүлиева һәм Динә Рамазанова катнашында беренче адымнарын башлап җибәргән. Клубка татар халкының мәдәнияте, тарихы белән кызыксынган һәркемне чакыралар.
«Чын татар өчен стиль һәм имидж — гармонияле һәм максатчан шәхес формалаштыруның мөһим өлеше икәнлеген истә тотып, ел ахырында «RivaStudio»да гардероб, стиль турында мастер-класс үткәрелде, — дип сөйләде Ләйсән Усманова.
«Быел Төмәндәге “Хәят” рестораны шеф-пешекчесе ярдәмендә татарның өстәл бизәге – бәлеш пешерү серләренә дә төшендек», — диде ул.
Хатын-кызлар клубы гүзәл затларны татар мәдәниятенә тарту, аларны берләштерү максатын күз алдында тотса да, әниләр, балалар өчен дә төрле чаралар планлаштыра.
Хәзер «Мин Әни» конкурсы старт ала. Конкурс кысаларында мастер-класслар да, тренинглар да, кызыклы шәхесләр белән очрашулар да каралган.
Кызыклы яңалыкларны күзәтеп бару өчен Телеграм-каналга язылыгыз