"Төмән көзе" фестивалендә җирле татарлар концерт программасы белән чыгыш ясаган
Фестивальдә мәдәни чаралардан тыш, күргәзмә-ярминкә дә оештырылган.
Скопировать ссылку
(Казан, 12 сентябрь, "Татар-информ"). Төмәндә яшәүче татарлар "Төмән көзе" фестивалендә концерт программасы күрсәткән. Бу хакта җирле татар мәдәни үзәге хәбәр итә.
Фестиваль Татар мәдәни үзәге мәйданында үткәрелгән. Биредә мәдәни күңел ачу чараларыннан тыш, товар җитештерүчеләр күргәзмәсе дә оештырылган. "Дача ихатасы" ярминкәсендә исә арзан бәядән кирәк-ярак сатып алырга мөмкин булган. Шулай ук, "Төмән көзе"нә килгән кунаклар арасында бүләкләр уйнатылды, диелә хәбәрдә.
