Түбәнкамалылар Екатеринбургта "Иннопром" халыкара сәнәгать күргәзмәсендә катнаша
Түбән Кама күргәзмәдә территориянең инвестицион потенциалын тәкъдим итә.
Скопировать ссылку
(Казан, 8 июль, "Татар-информ"). Радмир Беляев Екатеринбургта "Иннопром" халыкара сәнәгать күргәзмәсендә Түбән Кама делегациясен җитәкләде. Иртәгә форумга Владимир Путин киләчәк. Бу турыда Түбән Кама муниципаль районы рәсми сайтында хәбәр ителә.
Күргәзмәдә 60 тан артык төбәк, дөньяның 100 дән артык иленнән вәкилләр, 20 илдән 600 гә якын индустриаль компания катнаша. Түбән Кама күргәзмәдә территориянең инвестицион потенциалын тәкъдим итә. Күргәзмәдә катнашу яңа эшлекле элемтәләр урнаштырырга да ярдәм итәчәк.